Embedded Files
Q1:舊翼圓枱附近加設冷氣會唔會有啲不必要同不切實際？
如果要加設冷氣就要好似食堂咁加屏風去阻住冷氣流走
咁嘅話係一樓舊翼加冷氣都要加個屏風(或者門)會唔會更加唔方便老師同學岀入舊翼？
同學又係咪真係大部份時間都會喺舊翼用到冷氣？
A:因為喺舊翼都有聽到個同學反映好熱嘅問題
所以我哋先會有想加設冷氣嘅想法
由於爭取項目只係暫定
所以我閣再視乎情況而定去改善
我哋亦會向相關老師查詢可行性
至於同學會否大部份時間喺舊翼用冷氣
我哋會考慮只係有需要停留係圓枱嘅時候先用冷氣
並且由老師決定是否開用。
Q2:有冇諗過校園祭如果開放日舉行
咁科目同四社係開放日當日可以係邊度擺攤位？
因為以往科目同四社都係會用部份課室擺攤位
如果有很多班都想裝飾班房或者擺攤位
真係會夠班房比同學咁用？
A:校園祭呢個問題可能今日係諮詢大會解釋得唔夠清楚🙇🏻♀️
同學問題入面嘅四社同科目以往都係喺嘉年華進行
但係我哋係希望校園祭同嘉年華分開舉行
因為我哋發現好多班會除咗係舉行一兩個班會活動之後就再無發揮過班會嘅用途
所以我地希望可以比一個班會有多啲唔同嘅機會發揮創意
設計一個屬於自己班嘅攤位
令到同學係班上面有一更難忘嘅回憶
正因為校園祭同嘉年華並唔一樣
所以唔會岀現上述問題。🙌🏻
Q3:可唔可以改短啲條校裙
A:唔好意思呀同學
保良局嘅校服係統一嘅
所以未能爭取
至於校規亦都寫明女同學嘅校裙唔可以短過膝頭一半
所以呢方面我哋未能幫助
十分抱歉🙏🏻
Q4:你政綱啲活動，係你地IG搵唔到
A:我哋已經準備緊
係未來幾日我哋會將我哋嘅活動福利同埋爭取嘅項目po岀嚟🙇🏻♀️請同學細心等候
如果洗版影響到同學嘅話
請同學諒解🙏🏻
Q5:聯校有邊啲學校
A:本閣喺各區都揾到唔同嘅聯校
不過遺憾地有部分內閣已經落選
假如本閣成功當選
將會揾返該學校當選嘅內閣聯校
另外 本閣都有參加學生聯會～
Q6:你好，請問胡忠有嘻哈係咪抄襲中國有嘻哈呢個名
你哋應該知道呢個係大陸節目嚟㗎可
A:因為大家對於中國有嘻哈呢個節目名比較熟悉
有一定嘅認識以及印象
所以本閣參考同埋借鑑呢個節目名
Q7:點解隔離a字頭有四社競賽
但你哋要爭取？
A:因為四社活動並係由四社負責
所以本閣會同四社商討及溝通
睇下可唔可以爭取更多四社活動
Q8:可唔可以舉行電競比賽？
本閣有考慮及商討聯校電競比賽
但因應疫情持續
聯校內閣未能準確回覆是否能夠參加
因為呢個活動仍在商講中
所以冇寫上政綱
Page updated
Google Sites
Report abuse