活動

<那些年>

相信各位中六同學喺呢兩年因為疫情都少咗好多同同學相處嘅時間😢我哋希望可以透過呢個活動，令到你哋喺中學生涯可以多一啲難忘嘅回憶💭更希望喺DSE前可以令大家有更多動力應試🧡我哋會舉行一個小聚會比大家參與，而呢個活動中亦有一啲關於胡忠大小事嘅遊戲俾大家玩下🤪希望大家輕鬆過後可以以最好嘅狀態應付DSE🌟

<胡忠有嘻哈>

大家對Rap都已經有一定嘅認識❗️而且見到大家對rap都有較高嘅關注度🙈喺以往嘅班際Singcon同嘉年華上面都見到有幾多胡忠Rapper👻所以我哋希望舉辦一個Rap嘅比賽俾你哋發揮自己嘅創意🥳而且有一個舞台俾胡忠嘅一班Rap Queen , Rap King盡顯才能，發光發亮✨

<一棋一會>

中一二同學注意啦🥳我哋Echo為大家準備左一個棋類活動俾大家認識唔同嘅同學🤪中學生涯入面唔識多啲人點得啊😚希望同學可以藉住呢個棋藝活動，同唔同嘅同學比拼或者合作，從而認識更多朋友之餘，亦可以訓練自己嘅邏輯思維同埋團體合作✨

等陣等陣❗️你以為係普通嘅象棋圍棋咁簡單❓我哋Echo為同學準備左其他更好玩嘅棋類活動，咁一定唔會悶親大家啦😳

<班徽比賽>

呢個活動係希望各位同學可以為自己班創作岀一個獨一無二嘅班徽🔅俾同學一個空間發揮自己天馬行空嘅想法🗯可以提高同學團體合作精神之餘又令大家增加對班嘅歸屬感🥳而我哋將會由老師選出最優異嘅一班，而該班將可以獲得神秘禮物🎁

<胡忠小鐵人>

我諗唔少同學停課喺屋企都係食完就瞓，瞓完就食㗎啦。最近行樓梯返學有冇覺得吃力咗，體能差咗呢？唔緊要Echo幫到你🌟我哋今次呢個胡忠小鐵人就係參考左三項鐵人呢個比賽，比復課返嚟嘅大家挑戰一下自己體能，當然我哋唔會進行一啲太激動嘅活動啦🙈我哋會進行3個活動培養大家堅持不懈永不放棄嘅精神😏我哋嘅三項活動包括樽仔釣大魚🐠閃避十一人⚡️同埋筷子王🥢

<校內尋蹤>

定向同尋蹤嘅活動唔知同學仔有冇玩過呢？我哋舉行呢個校內尋蹤，係希望大家多啲留意學校嘅設備同特色。同時，啟發大腦去解讀暗號同合作解難題，提高合作精神～🥳

<氣氛switch一switch>

前排停課個陣switch俾人炒到咁貴，係屋企得自己一個玩又好悶㗎嘛😢萬一玩厭左又嘥錢喎😕依家我哋為大家諗左個活動❗️

就係俾大家組隊進行switch遊戲嘅比拼，大家唔需要高價買switch，又可以同同學一齊玩〰️希望大家可以透過活動放鬆心情，排解學業嘅壓力👿同團隊伙伴建立一個更好嘅友誼😚

<攝影比賽>

唔知大家有冇試過參加校內或校外活動嘅時候影咗一張好散發到胡忠精神嘅相，好想同大家分享但係又冇呢個機會呢❓係呢個時候你地就可以參加我哋舉行嘅攝影比賽啦📸，將你覺得最有愛嘅相投稿上嚟，再由大家投票選出最好嘅相🌌🙌🏻

<校園祭>

往年好多唔同節日街邊都會有攤位可以俾大家玩，但今年因為疫情好多攤位活動都取消咗😕以往都可以去唔同地方玩攤位換禮物又可以食下爆谷棉花糖咁，真係講起都真係有啲懷念👾雖然學校以往都有嘉年華，但係並唔係比每班同學自己做一個攤位。所以我哋希望可以比呢個校園祭俾大家一齊設計岀專屬自己班嘅攤位，俾其他班嘅同學可以去參與，感受一下唔同班別嘅氣氛🙌🏻

Page updated

Google Sites

Report abuse

活動